Voix: Antony Dubé

NOTCIMIK PIMATISIWIN
Traduction Antony Dubé

Weckatc ka pe apicician ni ki mireriten notcimik e tacikeian mamowi ninikihikok.  
 
E takwakik ni kospihenan ka pe pipona nac kotc e iti miroskamik ka ickwa piponiciak. Ite ka ici nokiak ka niskwetinak icinikatew. Minawatc e ici mikawian nitata ko kicepa orapikatepan nicw otema.  
 
Nitcotco tca wir ni pitciskisinehikotai nipakekineskisiniw wapocowanicica e kicositenitc. Mocak ni ki manatcihanan kirika ni ki mirwapatcihanan wapoc. Nanikotin nitcotco e wapoconekwetc e ici otcihitoak wapococtikwan. Patam tca aiackotc ni mirikowinan nac minawatc kitci kisisowakaniwitc.  
Minawatc nikotin nin kirika nicimak Makaret kaie Cotit ni ki matceatikaskonan. Takonopan meka tipahikan irikik ke ici pa metoweiak.  
 
Kek minawatc wapoc ni ki moskitcicohanan atamik asinik e ki cekoctatc, ni kokwe makonanan, micta wawakipataw, nac aspin notcimik ki ici ocimo.  
 
Ekoni nitowatc ka ici kiweiatikaskowak ekoni peikon nitata e tasoratc amiskwa patam kaskina ni mitcinan wikacin meka. Tapwe micta mireritakon notcimik kaie ki micta miro pimatisinaniwon.